Home கலை இலக்கியம் கதவைத் திறந்தால் காற்று மட்டுமல்ல சகலமும் வரும்

கதவைத் திறந்தால் காற்று மட்டுமல்ல சகலமும் வரும்

0
3,618

எதுவுமே தேவையில்லை
அது அத்தனை சுலபமானது
கல்லுடைத்துக் கை நசுங்கி குருதி கொட்ட வேண்டாம்
சுள்ளிகள் சேர்த்து சுமையாக்கி

வெப்பமிக்க ஒற்றையடிப் பாதைகளில்
வெற்றுக்கால்கள் கொப்பளிக்க
நடக்கவொன்றும் தேவையில்லை
தலைமீது கல்சுமந்து கழுத்து நரம்புகள்
புடைக்க வேண்டாம்

சுடும் வெயிலில்
நடைபாதைகளில் தலைகாயக் குந்தி
காலணிகளைப் பளபளப்பாக்கி
காசுக்கு கையேந்த வேண்டியதில்லை

மேனிகருக்க நிறுத்தங்களில் கூடைபழங்களை
கூவிவிற்க குரல் வற்ற அவசியமில்லை
வியர்வை உடல்நனைக்க கட்டாந்தரையை
பண்படுத்த வாழ்வை பலி கொடுக்க வேண்டியிராது

மகள் படிக்க காசில்லாமல் மாற்றுத் துணியில்லாமல்
ஆண்டையிடம் அவமானப்படத் தேவையில்லை

ஆம் அது அத்தனை சுலபமானது

காவிகட்டிக் கொண்டு
கண்ணைமூடி சாமியாராகிவிடுவது
கதவைத் திறந்தால் காற்று மட்டுமல்ல
சகலமும் வரும்

அறிவாய் நீ மனமே.

Load More Related Articles
Load More By sridhar
  • அறிவின் ஊற்று

    உமது உருவப்படம் பார்க்கையிலும் ஊற்றெடுக்கும் எமது அறிவின் தாகம். வானம் வழுக்கி விழுந்ததென …
  • தீண்டத்தகாதவன்

    உனது மயிரை உனக்கு சிரைக்கத் தெரியாது உனது செருப்பை உனக்கு தைக்கத்தெரியாது உனது நெல்லை உனக்…
  • இவரே தமிழ்த் தாத்தா!

    ஓதியுயர் மெய்ஞா னங்கள் உலகினிலே புத்தர் தந்தார்! போதிமரம் அமர்ந்த காலை புத்தரெனும் அறிவன் …
Load More In கலை இலக்கியம்

Leave a Reply

Your email address will not be published.